ایران نال قریبی برادرانہ تعلقات اتے پاور دے شعبے اچ تعاون دی خواہش مند ہیسے
پاور ڈویژن ایران توں 100میگاواٹ بجلی دی درآمد سانگے جلدی جامع مذاکرات کریسوں
وفاقی وزیر برائے پاورعمرایوب خان دی ایرانی سفیرمہدی ہنردوست نال ملاقات اچ گالھ مہاڑ
اسلام آباد ۔ 31دسمبر (اے پی پی) وفاقی وزیر برائے پاورعمرایوب خان آکھیا جو ایران نال قریبی برادرانہ تعلقات اتے پاور دے شعبے اچ تعاون دی خواہش مند ہیسے۔انہاں اے گالھ سنوار کوں اتھاں ایرانی سفیرمہدی ہنردوست نال ملاقات اچ گالھ مہاڑکریندیں ہوئیں آکھی۔انہاں ایرانی سفیر کوں یقین ڈوایا جو پاور ڈویژن ایران توں 100میگاواٹ بجلی دی درآمد سانگے جلدی جامع مذاکرات کریسوں۔ملاقات اچ ڈوہیں برادر اتے دوست ملکاں اچ برادرانہ اتے دوستانہ تعلقات دے جذبات دا اعادہ اتے بجلی دی پیداوار اتے ترسیل دے شعبیاں اچ تعاون اتے نویں امکانات دی خواہش کیتی۔
