اسلام آباد ۔ 7 دسمبر (اے پی پی) سیکرٹری خارجہ تہمینہ جنجوعہ جمعے کوں اتھاں دفتر خارجہ اچ 34ویں سارک چارٹر دی پر وقار تقریب نال خطاب کریندے ہوئیں آکھیے جو پاکستان دی حکومت تے عوام سارک دے مقاصد دے حصول اچ پرعزم ہن ،پاکستان سارک چارٹر دے اصولاں تے پورا یقین رکھیندے ،سارک کوں خطے دے لوکاں دی بہتری دے وعدے دے تحت بنڑایا گے لیکن سارکے اپنڑی ترقی دے مقاصد حاصل کائنی کیتے ،اساکوں معیشت، توانائی، بنیادی ڈھانچے اتے عوامی رابطے دے شعبے اچ سانجھے تعاون کوں ودھارا ڈیونڑ کیتے کوششاں تکھیاں کرنڑیاں ہن ۔سارک اچ اتار چھڑھاﺅ آئے تاں جو سارک مستحکم اے ۔تقریب اچ چینی سفیر یاو جنگ سمیت سارک رکن ملکاں دے سفیراں ،مندوبین تے تاجر برادری دے نائندیں شرکت کیتی ۔سیکرٹری خارجہ آکھیا جو پاکستان سارک چارٹر دے اصولاں تے پورا یقین رکھیندے ۔سارک کوں خطے دے لوکاں دی بہتری دے وعدے دے تحت بنڑایا گے لیکن سارک اپنڑی ترقی دے مقاصد حاصل کائنی کیتے ۔انہاں آکھیا جو اج دے ڈینھ دا مقصد ایں خطے اچ ترقی تے خوشحالی دے عزم دا اعادہ کرنڑاں اے ۔پاکستان 19 ویں سارک سمٹ دی میزبانی کریسی۔انہاں آکھیا بدقسمتی نال جنوبی ایشیا دنیا دا غریب ترین خطاہ اے ،اساکوں ایں ترقی سانگے رل تے اگی تے ودھنڑاں اے ۔تقریب اچ افغانستان دے ناظم الامور رحیم اللہ ،بنگلہ دیش دے ہائی کمشنر طارق احسن،بھارت ہائی کمیشن دے سینڈ سیکرٹری آخیلیش سنگھ، مالدیپ دے سفیر احمد سلیم، نیپال دے سفیر سیوا لمسالسری لنکا دے ہائی کمشنر نور دین محمدشاہد اتے سارک دے مبصر ملکاں اچ چین دے سفیر یاو جنگ،آسٹریلیا دی فرسٹ سیکرٹری ایما لیہ، یورپین یونین دے فرینک اولیور،امریکی سفارتخانے دی پولیٹیکل افیسر جوسند جینت سمیت ایران،کوریا،میانمار اتے جاپان دے مبصرین شرکت کیتی۔
