اسلام آباد ۔08 دسمبر(اے پی پی)دھند(کہیڑ) پاروں اسلام آباد۔ لہور موٹروے کو ں ٹریفک سانگے بند کرڈتا گئے ۔ ہفتہ دی سویل لہور، گوجرانوالہ، شیخوپورہ، حافظ آباد، قصور اتے ملحقہ علاقیاں اچ شدیدکہیڑ رہی جیندی وجہ نال لہور ،راولپنڈی موٹروے کوں ٹریفک سانگے بند کیتا گئے۔ ایں طرح فیصل آباد توںگوجرہ تئیں وی کہیڑ پاروں موٹروے کوں بند کیتا گیا۔ موٹروے پولیس مطابق ڈرائیور حضرات کوں لہور، اسلام آباد جی ٹی روڈ دے روٹ تے سفر دا مشورہ ڈتا گئے۔ موٹروے پولیس ڈرائیوراں کوں رفتاآہستہ، احتیاط اتے فوگ لائٹاں نال سفر دی ہدایت کیتی ہے۔
