اسلام آباد ۔ 8 جنوری (اے پی پی) محکمہ موسمیات دے مطابق آندے 24گھنٹے اچ اسلام آباد راولپنڈی سمیت اتلے پنجاب اچ موسم جھڑ آلا رہسی ،گلگت تے بلتستان ،کشمیر تے ایندے نیڑے علاقیں اچ کجھ مینھ وسسی تے پہاڑاں تے برف پوسی ۔ جنوبی پنجاب اتے اتلے سندھ اچ سویل تے رات دے ٹائم کوہیڑ پوونڑ دا امکان اے ۔رپورٹ دے مطابق گزریل 24 گھنٹے دے دوران بہوں سارے علاقیں اچ موسم ٹھڈا تے رکھا رہیا ۔ساریں توں گھٹ درجہ حرارت سکردو اچ منفی 15،کالام، استور اچ منفی 12،گوپس اچ منفی 8 ، بگروٹ، ہنزہ اچ منفی 7، دیر، مالام جبہ، پارہ چنار،کوئٹہ، قلات اچ منفی 5،مری، راولاکوٹ اچ منفی4،چترال، دروش،کاکول،گلگت اچ منفی 3، لوئیر دیراچ منفی 2، میرکھانی، دالبندین،گڑھی دوپٹہ، بالاکوٹ اتے رسالپور اچ منفی 1 ڈگری سینٹی گریڈ ریکارڈ کیتا گے ۔
