اسلام آباد ۔ 15 جنوری (اے پی پی) وفاقی وزیر مذہبی امور ڈاکٹر نور الحق قادری ملک دی نوجوان نسل تے زور ڈتے جو اپنڑے کم اچ مشغول رہنڑ دے نال نال اپنڑے رب کوں یاد کرن ‘ اللہ تعالیٰ کو ں راضی کرنڑ دا بہترین انداز اللہ دی مخلوق تے رحم کرنڑاے ۔ منگل کو ں اتھاں شاہ رکن عالم کانفرنس نال خطاب کریندے ہوئیں انہاں آکھیا جو انسان جڈاں اللہ دا ذکر کریندے تاں ول ہک وقت ایندے تے وی آندے جو لوک ایندا تذکرہ کریندن او مذکورہ تھی ویندے ۔ صوفی ازم نال انسانیت دی خدمت دا درس ملدے کیوں جو اللہ سئیں کوں راضی کرنڑ دا بہترین طریقہ اللہ دی مخلوق تے رحم کرنڑاے۔ انہاں آکھیا صوفی انسانی حقوق توں ودھ تے مخلوق خدا دی گال کریندن ۔
