اسلام آباد ۔ 16 جنوری (اے پی پی) وزیر مملکت موسمیاتی تبدیلی زرتاج گل آکھیے جو اپوزیشن جتنا مرضی شور مچا گھنے حکومت کہیں کوں وی این آر او کائناں ڈیسی کوئی وی قانون توں اتے کائنی‘ چیف جسٹس دا ڈیم فنڈ دے قیام اتے ڈیم بنڑاونڑ دے حوالے نال مہم کوں قوم قدر نال ڈیکھدی اے ۔ بدھ کوں پارلیمنٹ ہاﺅس دے باہروں میڈیا نال گال مہاڑ کریندے ہوئیں وزیر مملکت آکھیا جو قوم چیف جسٹس ثاقب نثار دے ڈیم فنڈ اچ ودھ چڑھ تے حصہ گھندی پئی اے ۔انہاں اپنڑے دور اچ جیں طرح فیصلے کیتن ایندے نال عدالت تے عوام دا اعتماد ودھ گے ۔وزیر مملکت آکھیا جو چیف جسٹس تحریک انصاف دے سابق سیکرٹری جنرل جہانگیر ترین دے خلاف فیصلہ ڈتے اساں اوں فیصلے تے عمل کیتے قانون توں کوئی وی اتے کائنی ۔
