راولپنڈی ۔ 3 جنوری (اے پی پی) وفاقی وزیر مذہبی امور پیر نور الحق قادری گزریل ڈینھ عید گاہ شریف اچ منعقدہ بین المذاہب ہم آہنگی کانفرنس نال خطاب تے بعداچ میڈیا نال گال مہاڑ کریندے ہوئیں آکھیے جو دشمناں دے ناپاک عزائم کوں نیست و نابود کرنڑ سانگے بین المذاہب ہم آہنگی وقت دی ضرورت اے ،سارے مذہب ہک ڈوجھے دے مذہب تے انہاں دی مذہبی شخصیات دی عزت تے تکریم کرنڑ دا حکم تے تفرقے تے نفرتاں کوں مٹاونڑ دی تعلیم ڈیندن ،وطن عزیز پاکستان دی سلامتی خوشحالی سانگے سارے مذہب دے لوکاں دا کردار بہوں اہمیت رکھیندے ۔ وطنِ عزیز دی سلامتی تے دفاع سانگے اساں ہک ہوں تے ہک ڈوجھے دے مذہب دا احترام کریندوں ۔ایں موقع تے بین المذاہب ہم آہنگی کانفرنس دے شرکاءآکھیا جو مسلمان امن دے داعی تے امن دے نام لیوا ہن تے دنیا اچ جتھاں وی دہشت گردی تھیندی پئی اے مسلمان ایندی ودھ ساری مذمت کریندن ۔
