اسلام آباد ۔ 14 جنوری (اے پی پی) وزیر ریلوے شیخ رشید احمد آکھیے جو پاکستان اتے ترکی برادر اسلامی ملک ہن جیں دے تعلقت بہوں پرانڑیں ہن ،ترکی ریلوے سانگے پاکستان ریلوے دے سارے منصوبے اوپن ہن ،او آون اساڈے نال رل تے کم کرن ،اے گال انہاں سنوارکوں ترک سٹیٹ ریلوے کمپنیاںدے وفد نال ملاقات کریندے ہوئیں آکھی ۔ترک سٹیٹ ریلوے کمپنیاں تلمساس (Talamsas) اتے ریمیساس (Raymisas)دے اٹھ رکنی وفد دی وزارتِ ریلوے آمد،پاکستان ریلوے اچ سرمایہ کاری اتے ریل اپریشن اچ شراکت داری اچ ودھ ساری دلچسپی دا اظہار کیتا ۔وزیر ریلوے شیخ رشید احمد دی صدارت اچ اجلاس اچ ترکی دے وفد کوں ریلوے اچ جاری منصوبیں تے بریفنگ ڈتی گی ایں موقع تے سیکر ٹری ریلوے سکندر سلطان راجہ اتے بئے افسران ترک وفد کوں بریفنگ ڈتی ۔ترکی سرکاری کمپنیاں اپنڑے پنج ڈینھ دے دورے دے دوران پاکستان ریلوے دے مختلف شعبےے تے سہولتاں دا دورہ کریسی ۔ ترک کمپنیاں دی شیخ رشید احمد کوں ترکی دورے اتے ترک ریل دیکھنڑ دی دعوت وی ڈتی گی ۔
