تھائی لینڈدی فضائیہ دے کمانڈر ان چیف دا ائیر ہیڈ کوارٹرز اسلام آباد دا دورہ، پاک فضائیہ دے سربراہ ایئر چیف مارشل مجاہد انور خان نال ملاقات

اسلام آباد ۔ 31 جنوری (اے پی پی) رائل تھائی لینڈ فضائیہ دے کمانڈر ان چیف، ائیر چیف مارشل چیاپرُک دِدیاسارن ائیر ہیڈ کوارٹرز اسلام آباددا دورہ کیتے اتے پاک فضائیہ دے سربراہ ایئر چیف مارشل مجاہد انور خان نال ملین۔ترجمان پاک فضائیہ دے مطابق ایئر ہیڈ کوارٹرز آونڑ تے پاک فضائیہ دے سربراہ ایئر چیف مارشل مجاہد انور خان انہاں دا استقبال کیتے ۔ پاک فضائیہ دے دستے انہاں کوں سلامی ڈتی۔ملاقات اچ باہمی دلچسپی اتے پیشہ ورانہ امورسودھے علاقائی امن و استحکام دی صورتحال تے الوایاگئے۔رائل تھائی لینڈ فضائیہ دے کمانڈر ان چیف پاک فضائیہ دے جواناں دی پیشہ وارانہ مہارت دی تعریف کیتی اتے دہشتگردی دے خلاف جنگ اچ پاک فضائیہ دیاں کامیابیاں دی تعریف کیتی۔ایئر چیف مہمان کوں پاک فضائیہ دے خود انحصاری منصوبیاں بارے ڈسایااتے ڈوہاں ملکاں وچال باہمی تعاون،دفاعی تعلقات مضبوط کرنڑ اتے فضائی افواج دے چنگے تعلقات تے زور ڈتا۔