راولپنڈی/بہاولپور ۔ 9 جنوری (اے پی پی) پاک فوج دے شعبہ تعلقات عامہ (آئی ایس پی آر) دے مطابق آرمی چیف جنرل قمر جاوید باجوہ بہاولپور کوردا دورہ کیتے اتے اتھاں پاک فوج دیاں سرمائی تربیتی مشقاں داجائزہ گھنڑ دے نال نال فورٹ عباس سیکٹر اچ انفنٹری فارمیشناں دا وی دورہ کیتے۔انہاں افسران اتے جواناں دے تربیتی معیار اتے تیاریاں تے اطمینان دا اظہار کیتے۔ایں موقع تے آرمی چیف جنرل قمر جاوید باجوہ افسراں اتے جواناں نال ملین اتے انہاں دی اعلیٰ معیار دی تربیت، تیاریاں اتے آپریشنل صلاحیتاں دی تعریف کیتی۔انہاں دا آکھنڑ ہا جو پاکستان ہک امن پسند اتے امن نال پیار کرنڑ آلا ملک اے اتے بابائے قوم دے نظریہ دے مطابق سرحداں دے آرپاروی امن چاہندے۔ آرمی چیف آکھیا جو مہارت یافتہ، جدید ہتھیارں نال لیس اتے باصلاحیت فوج جنگ روکنڑ دے نال نال امن دے قیام دی وی ضامن تھی سگدی اے،پاک فوج ہک اینجھی فورس اے جیہڑی دہشت گردی مکاونڑ کیتے اپنڑے تجربہ اتے جنگی صلاحیتاں پاروں نویکلی سنجانڑ رکھیندی اے۔ ایںموقع تے کور کمانڈر بہاولپور اتے انسپکٹر جنرل ٹریننگ اینڈ ایویلیوایشن وی چیف آف آرمی سٹاف دے نال ہن۔
