اسلام آباد ۔ 6 جنوری (اے پی پی) متحدہ عرب امارات دے صدر شیخ خلیفہ بن زاید النہیان دے احکامات دی روشنی اچ ابوظہبی ڈیویلپمنٹ فنڈ دی مالی تعاون نال متحدہ عرب امارات ولوں پاکستان اچ 736ملین درہم دی لاگت نال 40ترقیاتی اتے انسانی ترقی دے منصوبے شروع کر ڈتے گئن ۔پاکستان اچ متحدہ عرب امارات دے سفارتخانہ ولوں اتوار کوں جاری بیان دے مطابق پاکستان اچ متحدہ عرب امارات دے منصوبیاں دے تریجھے مرحلے اچ پنج اہم منصوبے شامل کیتن جنہاں اچ سڑکاں،پلاں،تعلیم،صحت ،پانڑی،زراعت،انسانی مدد اتے پولیو ویکیسن مہم دا نفاذ شامل اے۔
