اسلام آباد ۔ 10 جنوری (اے پی پی) وزارت اوورسیز پاکستانیز متحدہ عرب امارات اچ قید پاکستانیاں دی رہائی سانگے کوششاں تکھیاں کر ڈتن ۔وزیر اعظم دے معاون خصوصی اوورسیز پاکستانیز ذوالفقار عباس بخاری متحدہ عرب امارات دا دورہ کر تے وزیر داخلہ یو اے ای دے نال قیدیاں دی رہائی دے معاہدے تے دستخط کریسن ۔ معاون خصوصی ذوالفقار عباس بخاری اے پی پی کو ں ڈسایا جو او باہرلے ملک اچ قید پاکستانیاں دی تکلیف کوں چنگے طریقے سمجھدن ، قید لوکاں دے والدین نال وی انہاں دی ملاقات تھیندی رہ ویندی اے ،انہاں دی کوشش اے جو او وختی ڈوجھے ملکاں اچ قید پاکستانیاں کوں رہائی ڈیواونڑاچ کامیاب تھیسن ایں سلسلے اچ انہاں دی مختلف ملکاں نال گال چلدی پئی اے ۔
