دبئی ۔ 28 جنوری (اے پی پی) وفاقی وزیر اطلاعات و نشریات چوہدری فواد حسین آکھیے جو وزیراعظم عمران خان دی قیادت اچ پاکستان تابناک مستقبل دے پاسے ودھدا پئے ،پاکستان مشرق وسطیٰ اچ امن دے ودھارے اچ اہم شراکت دار اے ، پاکستان اپنڑاں عالمی تشخص ولا حاصل کریندا پئے ، پی ایس ایل۔4 دے میچاں اچ نیشنل سٹیڈیم کراچی اتے قذافی سٹیڈیم لاہور دی جھلک نظر آسی ۔ وفاقی وزیر اطلاعات و نشریات گزریل رات پی ایس ایل۔4 دے سلسلے اچ اتھاں منعقدہ ”میدان سجانا ہے پاکستان کی شان بڑھاناہے“ دی افتتاحی تقریب نال خطاب کریندے پئے ہن۔ انہاں توقع ظاہر کیتی اے جو پی ایس ایل دا سلسلہ اے آخری کھیڈ ہوسی جیرھا جو پاکستان توں باہر کھیڈیا ویندا پئے ،اساڈی دعا ، خواہش اتے کوشش اے جو دبئی اچ اے آخری پی ایس ایل ہووے۔ انہاں ایں امید دا اظہار کیتا جو پی ایس ایل۔4 دے میچاں اچ نیشنل سٹیڈیم کراچی اتے قذافی سٹیڈیم لاہور دی جھلک نظر آسی ۔ چوہدری فواد حسین آکھیا جو وزیراعظم عمران خان دی قیادت اچ پاکستان تابناک مستقبل دے پاسے ویندا پئے جنہاں چھی مہینے اچ پاکستان دی خارجہ پالیسی دا پاسہ پلٹ ڈتے۔ انہاں آکھیا گزریل کجھ سالاں اچ مشرق وسطیٰ اچ اساڈا کردار ختم تھی گیا لیکن اج پاکستان اپنڑاں عالمی تشخص ولا حاصل کریندا پئے۔
