اسلام آباد ۔ 16 جنوری (اے پی پی) وزیر خارجہ شاہ محمود قریشی آکھیا جو پاکستان کوں سموگ اتے پانڑی دی قلت سمیت بہوں ماحولیاتی چیلنجز ہن جئیں نال نبڑنڑ سانگے سائنسی سفارتکاری کوں مﺅثر اتے نتیجہ خیز بنڑیسوں،نامور سائنسدان اتے تعلیم دے ماہرین دا تعاون بہوں فائدہ ڈے سگدے،، ایڈوائزری کونسل برائے خارجہ اموراچ خصوصی طور ماہرین کوں رلایا ونجے تانجو انہاں دے تجربیاں توں فائدہ چا سگوں۔اے گالھیں انہاں بدھ کوں اتھاں وزارت خارجہ اچ سائنسی سفارتکاری اجلاس توں خطاب کریندیں ہوئیں آکھی۔وزارت خارجہ اچ ہک اعلیٰ سطح دے بین الاتنظیمی اجلاس اچ سائنسی سفارتکاری شروع کر ڈتی گی اے۔اجلاس اچ صحت، تعلیم، سائنس و ٹیکنالوجی، موسمیاتی تبدیلی اتے فوڈ سیکورٹی دے شعبے نال جڑیے سینئر حکام شریک تھیے۔وزیرخارجہ سائنسی سفارتکاری دے اجلاس اچ شریک تھیونڑ آلے افسراں کوں خوش آمدید آکھیا۔
