اسلام آباد ۔ 30 جنوری (اے پی پی) وفاقی وزیر پیٹرولیم غلام سرور خان آکھیے جو توانائی دے شعبہ اچ پاکستان اتے آذربائیجان دا مشترکہ ورکنگ گروپ بنڑایا ویسی۔ اے گالھ انہاںپٹرولیم ڈویژن اسلام آباد اچ آذربائیجان دے سفیر چنگیز کروبی نال ہک ملاقات اچ آکھی ۔آذربائیجان دے سفیر پاکستان اچ آذربائیجان دی سٹیٹ آئل کمپنی( سوکار) دی پاکستان اچ ایل این جی سیکٹر اچ سرمایہ کاری کرنڑ دی خواہش کیتی۔ ڈوہیں ملک پہلے ہی ڈوطرفہ حکومتی معاہدے دے تحت تیل و گیس توں بنڑن آلیاں مصنوعات سودھے فرنس آئل، پٹرول ،ڈیزل اتے مائع گیس( ایل این جی )دے شعبے اچ سرمایہ کاری تے اتفاق کر چکین۔ ایں معاہدے تے فروری اچ آذربائیجان دے وزیرخارجہ پاکستان آ تے دستخط کریسن۔آذربائیجان دے ڈپٹی ہیڈ آف مشن وی ملاقات اچ موجود ہن۔ انہاں(سوکار) کمپنی بارے وفاقی وزیر کوں بریفنگ ڈتی۔ آذربائیجان دے سفیر وفاقی وزیر پیٹرولیم غلام سرور خان کوں 29 مئی 2019 دی کیسپین آئل اینڈ گیس کانفرنس اچ شرکت دی دعوت ڈتی جیہڑی انہاں قبول کر گھدی۔
