اسلام آباد ۔ 31 جنوری (اے پی پی) پاکستان اتے اومان ڈو پاسے تجارت اتے سرمایہ کاری سمیت سانجھے تعلقات کوں مزید اگی تے ودھاونڑ تے اتفاق کیتے۔اے اتفاق رائے وزیر خارجہ شاہ محمود قریشی دی اومان دے نائب وزیر اعظم سید فہد بن محمد السید نال مسقط اچ ملاقات دے دوران پاتا گے ۔ ملاقات دے دوران ڈو پاسے تعلقات ،خطے دی صورتحال سمیت اہم علاقائی اتے عالمی امور تے گال مہاڑ کیتی گئی ۔ وزیر خارجہ مخدوم شاہ محمود قریشی اومان نائب وزیر اعظم کوں افغانستان سمیت اہم علاقائی مسلیں تے پاکستان دے نقطہءنظردے حوالے نال اعتماد اچ گھدا۔ شاہ محمود قریشی آکھیا جوپاکستان، پاک۔ اومان تعلقات کوں بہوں قدر دی نگاہ نال ڈیکھدے ۔ اومان دے نائب وزیر اعظم عمان دی تعمیر و ترقی اچ اتھاں رہنڑ آلی پاکستانی کمیونٹی دے کردار دی تعریف کیتی۔ڈوہیں رہنماواں ڈو پاسے تجارت اتے سرمایہ کاری کوں ودھاونڑ تے سانجھے تعلقات کوں مزید ودھاونڑ تے اتفاق کیتا۔
