اسلام آباد ۔ یکم جنوری (اے پی پی) پیمرا زیر سماعت مقدمیاں بارے خبر نشر کرنڑیا بحث بارے ولا سارے ٹی وی چینلز کوں ہدایات جاری کرڈتن، اینجھے سارے مقدمے جیہڑے کہیں وی عدالت اچ زیر سماعت ہوسن ، بارے خبر یا تبصرہ توں ہٹکیا گئے۔ترجمان پیمرادے مطابق پیمرا پہلے وی انیجھیاں ہدایات ڈے چکیے ۔سپریم کورٹ ہک ٹاک شو بارے سو موٹو کیس دا فیصلہ سنڑیندے ہوئے پیمرا کوں ہدایت کیتی ہئی جو او زیرِ سماعت مقدمات دی رپورٹنگ پیمرا ضابطہ اخلاق دے مطابق یقینی بنڑاوے۔پیمرا ضابطہ اخلاق دے تحت ٹی وی چینلز کوں شق نمبر3 (1) j, 4 (3), 4 (6), 4 (10), 5 & 17تے عملدرآمددی ہدایتی کیتی گئی اے،جیکر کوئی خلاف ورزی تھئی تاں پیمرا قوانین دے مطابق کارروائی کیتی ویسی۔
