اسلام آباد ۔ 3 جنوری (اے پی پی) وفاقی وزیر پاور ڈویژن عمر ایوب خان آکھیے جو این ٹی ڈی سی اتے ڈسٹری بیوشن کمپنیاں دے اہلکاراں کوں پنجاب سندھ اتے خیبر پختونخوا اچ کوہیڑ پاروں بجلی دے نظام اچ خرابی دور کرنڑ سانگے الرٹ رہنڑاں چاہیدے ۔خمیس کوں ہک بیان اچ انہاں آکھیاجو پنجاب اچ ڈسٹری بیوشن کمپنیاں دے چیف ایگزیکٹو افسراں اتے سیبکو دے سی ای او کوں صورتحال تے کڑی نظر رکھنڑیں چاہیدی اے تاں جو کوہیڑ پاروں بجلی دے نظام اچ کہیں قسم دی خرابی کوں وختی ٹھیک کیتا ونجے تے ایندے علاوہ ایمرجنسی ٹیماں ہر ویلھے تیار رہن ۔
