اسلام آباد ۔ 6 فروری (اے پی پی) وزارت سمندر پار پاکستانیز باہرلے ملکاں اچ کمیونٹی ویلفیئر اتاشیاں دی تعداد ودھاونڑ تے او پی ایف دے معاملات اچ مزید بہتری دا فیصلہ کیتے ۔وزیراعظم دے معاون خصوصی سمندر پارپاکستانیز سید ذوالفقار عباس بخاری میڈیا نال گال مہاڑ کریندے ہوئیں آکھیے جو اوپی ایف دی تشکیل نو دی ضرورت اے جیں تے اساں کم کریندے پیوں ، مختلف ملکاں اچ کمیونٹی ویلفیئر اتاشی اوپی ایف دے سفیر ہوندن اساں ویلفیئر اتاشیاں کوں آکھیے جو او کمیونٹی دے مسلیں دے حل کیتے ودھ محنت نال کم کرن ۔ انہاں آکھیا جو متحدہ عرب امارات اچ 3کمیونٹی ویلفیئر اتاشی ہن جنہاں دی تعداد چار کیتی ویسی ۔ سعودی عرب اچ 4کمیونٹی ویلفیئر اتاشی ہن انہاں دی تعداد 6کیتی ویندی پئی اے 6مہینے بعد سعودی عرب اچ ویلفیئر اتاشیاں دی تعداد 8کر ڈتی ویسی ۔
