ملتان ۔12 فروری (اے پی پی)گھٹ ترقی یافتہ علاقیاں دے مسائل داجائزہ گھنڑ کیتے بنڑائی گئی سینٹ دی فنکشنل کمیٹی دے چیئرمین عثمان خان کاکڑآکھیے جو سرائیکی خطے دے مسائل دے حل کیتے سرائیکی صوبے داقیام بہوں ضروری اے۔ اے گالھ انہاں ملتان دے دورے دے موقع تے”اے پی پی “نال الویندے آکھی۔ انہاں آکھیا جو اساں سرائیکی صوبے دے حامی ہیں ،جنوبی پنجاب صوبے دے نئیں،ڈو نئیں صرف ہک صوبہ بنڑنا چاہیدے کیوں جو اے علاقہ ہمیشہ توں توں ترقی توں محروم رکھیا گئے اتے اتھو دے لوکاں کوں انہاں دی سنجانڑملنڑی چاہیدی اے۔ انہاںا ٓکھیا جو صوبہ انتظامی بنیاداں تے نئیں ہوندا، سرائیکی ہک قوم اے اتے ایکوں ایندی سنجانڑڈیونڑ بہوں ضروری اے۔ انہاں آکھیے جو انتظامی صوبے دی گالھ ہک قوم دی سنجانڑ مکاونڑ دی سازش اے، اساں ایں خطے دے مسلے ڈیکھنڑ آئے ہیں ، راجن پور،مظفرگڑھ ،لیہ ،لودھراں دے دورے اچ لوکاں دے مسلے ڈیکھسوں اتے محرومیاں دور کرنڑ کیتے تجویزاں تے عملدرآمد دی منصوبہ بندی کیتی ویسی، ایں سانگے کجھ سفارشات وفاقی حکومت اتے کجھ چیف سیکرٹری پنجاب کوں بھیجیاں ویسن۔
