بغداد ۔ 10 فروری (اے پی پی) ایران، عراق اتے شام ایہ فیصلہ کیتے جو داعش دے دہشتگرداں دے خلاف سائبر جنگ اچ ہک بئے کوں تعاون کریسن۔ عراقی وزارت موصلات مطابق، عراق اتے شام ایران دی تکنیکی مدد نال داعش دے خلاف سائبر جنگ اچ اجتماعی تعاون کرنڑ دا فیصلہ کیتے۔ نائب عراقی وزیر مواصلات، تکنیکی اتے انجینئرنگ امور ایں بارے آکھیے جو انہاں دا ملک ایں ویلھا دہشتگرداں دے خلاف سائبر جنگ اتے افواہیں روکنڑ سانگے شام دے نال تعاون کریندا پئے۔ انہاں ڈسائے جو عراق اپنڑے ہمسایہ ملکاں ایران، اردن اتے ترکی کنوں موجودانٹرنیٹ سہولتاں توں فائدہ گھنڑ چاہندے ،تاں جو ا وہ اپنڑے ملک اچ انٹرنیٹ دی بہتر فراہمی یقینی بنڑاوے ۔
