بھارت دراندازی اتے جنگی جنون دا شکار تھی گئے ،مسلح فوج اتے پوری قوم بھارت دی کہیں وی جارحیت دا منہ تروڑ جواب ڈیونڑ سانگے ہر ویلھے تیار اے،وفاقی وزیر دفاع پرویز خٹک دی پارلیمنٹ اچ اے پی پی نال گالھ مہاڑ

اسلام آباد ۔ 26 فروری (اے پی پی)وفاقی وزیر دفاع پرویز خٹک آکھیا جو بھارت دراندازی اتے جنگی جنون دا شکار تھی گئے ،مسلح فوج اتے پوری قوم بھارت دی کہیں وی جارحیت دا منہ تروڑ جواب ڈیونڑ سانگے ہر ویلھے تیار اے۔اے گالھیں انہاں منگل کوں پارلیمنٹ اچ اے پی پی نال گالھ مہاڑ کریندے پے ہن ۔انہاں آکھیا جو ایں ویلھے بھارت اچ عام انتخابات دی تیاریاں جاری ہن ،بھارتی وزیراعظم نریندرامودی دی انتہا پسندی جماعت بھارت کوں جنگی جنون اچ سٹ کراہیں انتخابات اچ مطلوبہ مقصد حاصل کرنڑ دی کوششاں اچ مصروف اے۔