اسلام آباد ۔ 24 فروری (اے پی پی)وزیراعظم عمران خان آکھیے جو بھارت ولوں پاکستان کوں قابل عمل انٹیلی جنس معلومات ڈیونڑ دی صورت اچ پاسکتان ایندے تے وختی کاروائی کریسی او اپنڑے الفاظ تے قائم ہن ۔وزیراعظم آفس توں جاری بیان دے مطابق بھارتی وزیراعظم نریندرمودی دے تبصرے تے وزیراعظم عمران خان آکھیے او اپنڑے بیان ” اگر بھارت اساکوں قابل عمل انٹیلی جنس معلومات ڈیوے تاں ایندے تے وختی کاروائی کریسن “ تے قائم ہن ۔ وزیراعظم آکھیا دسمبر2015ءاچ بھارتی وزیراعظم مودی نال ملاقات اچ اساڈا ایں گال تے اتفاق تھیا ہئی جو تخفیف غربت اساڈے خطے دی ترجیح اے ایں سانگے اساکوں امن داں کوششاں کوں دہشت گردی دے کہیں وی واقعے دی وجہ توں ڈی ریل کرنڑ دی اجازت نئی ڈیونڑاں چاہیدا ۔وزیراعظم آکھیا جوپلوامہ حملے توں بہوں پہلے ستمبر 2018ءاچ انہاں کوششاں کوں ڈی ریل کرڈتا گیا ۔ وزیراعظم آکھیا افسوس اے جو بھارت اچ انتخابات دی وجہ توں امن بدستور مبہم اے، انہاں آکھیا بھارتی وزیراعظم نریندر مودی کوں امن کوں ہک موقع ڈیونڑاں چاہیدے ۔
