اسلام آباد ۔ 19 فروری (اے پی پی)وفاقی وزیر تعلیم و پیشہ ورانہ تربیت شفقت محمود آکھیے جو تعلیم اچ انصاف تھیونڑاں چاہیدے، یکساں نصاب تعلیم گھن آونڑ کیتے کوشاں ہوں ‘حکومت شرح خواندگی اچ ودھارے کیتے کم کریندی پئی اے ، وفاقی دارالحکومت اچ 11 ہزار توں ودھ سکولاں توں باہر بالاں دے سکول اچ داخلے کیتے ہک پرورگام لانچ کریندے پیوں ۔ منگل کوں او غیر سرکاری تنظیم ’اثر‘ ولوں تعلیمی جائزہ رپورٹ 2018ءدی تقریب رونمائی نال خطاب کریندے پئے ہن ۔ سالانہ رپورٹ دی لانچنگ تقریب آڈیٹوریم پلاننگ کمیشن آف پاکستان، پاک سیکریٹریٹ اچ منعقد تھئی جیں دے مہمان خصوصی وفاقی وزیر تعلیم شفقت محمود ہن۔ وفاقی وزیر شفقت محمود آکھیا جو اساڈی تعلیم دا حال ایں رپورٹ اچ نمایاں اے ‘اعدادوشمار نال ظاہر تھیندے جو حالات پہلے توں بہتر ہن تعلیم اساں کیتے وڈا چیلنج اے انہاں آکھیا بالاں کوں سکول گھن ونجنڑ ترجیح اے ،شرح خواندگی کوں بہتر کرنڑ اساں کیتے ہک چیلنج اے ۔انہاں آکھیا ہک پروگرام لانچ کریندے پیوں تعلیم دے حوالے نال اسلام آباد اچ11000 توں ودھ بال سکولاں توں باہر ہن ہنڑ ساریں کوں سکول اچ داخل کرنڑاں اے ۔انہاں آکھیا بالڑیاں دی تعلیم تے وی اساڈی توجہ اے اساں چاہندوں جو بالاں دے نال نال بالڑیاں وی تعلیم دے میدان اچ اگی تے آون تے ملک اچ تعلیم دے نظام کوں بہتر بنڑاون۔
