اسلام آباد ۔ یکم فروری(اے پی پی) وزیر خزانہ اسد عمر آکھے جو جیں سٹاک ایکس چینج انڈیکس اچ ودھارا جنوری دے دوران تھیا اتنا تاں پورے سال اچ کائنی تھیا ،سرمایہ کاراں دا اعتماد بحال تھیندا پئے تے معاشی صورت حال اچ بہتری آندی پئی اے ۔جمعے کوں سینیٹ اجلاس اچ وزیر خزانہ اسد عمر ضمنی مالیاتی (ڈوجھا ترمیمی) بل 2019ءتے بحث سانبھنڑ دا آغاز کیتا ۔انہاں آکھیا سینیٹ دی سفارشات کوں بہوں اہمیت ڈتی ویندی اے اساں بجٹ پیش کائنی کیتا بلکہ اصلاحات متعارف کرائین ، جنوری اچ جتنا سٹاک ایکس چینج انڈیکس اچ ودھارا تھے اتنا تاں 2018ءدے پورے سال اچ کائنی تھیا ، بینکاں اچ اعتماد تے وی ودھارا تھئے ملک دے اندر تے باہر صورت حال اچ بہتری آندی پئی اے۔
