اسلام آباد ۔ 18 فروری (اے پی پی) وفاقی وزیرپٹرولیم غلام سرور خان اتے سعودی عرب دے وزیر توانائی خالد الفلیح دی سنوار کوں اتھاں ملاقات تھئی، سعودی وزیر توانائی دے رلے سعودی وفد وی ملاقات اچ موجود ہئی۔ انہاں توانائی دے شعبے اچ تعاون سمیت سانجھے دلچسپی دے امور تے گال مہاڑ کیتی ۔ ایں موقع تے ایڈیشنل سیکرٹری ڈاکٹر تنویر قریشی، جوائنٹ سیکرٹری توقیر حسین اتے ایم ڈی پی ایس او جہانگیر علی شاہ وی موجود ہن۔ غلام سرور خان آکھیا جو سعودی حکومت دے نال معاہدیں دے تحت پاکستان کوں تیل برآمد کرنڑ تے 1.2 ارب ڈالر دی بچت تھیسی۔ غلام سرور خان آکھیے جو سعودی سرمایہ کاری نال پاکستان اچ ترقی تے خوشحالی دا نواں دور شروع تھیسی،پاکستان اچ بین الاقوامی سرمایہ کاراں دا اعتماد ودھ ویسی۔ انہاں آکھیے جوپاکستان اچ اقتصادی استحکام نال روزگار دے موقع وی ودھ ویسن۔ ملاقات اچ ڈی جی ایل جمیل سلیم ، ڈی جی منرل محمد اقبال اتے ڈائریکٹر ریفائنری بابر مجید وی موجود ہن۔
