اسلام آباد ۔ 15 فروری (اے پی پی) صدر مملکت ڈاکٹر عارف علوی آکھیے جو پاکستان اتے چین ہمیشہ توں تذویراتی تعاون آلے ساجھے دار ہین، چین نال سنگت پاکستان دی خارجہ پالیسی دا لازمی حصہ اے۔ اے گالھ انہاں چین دی پیپلز پولیٹیکل کنسلٹیٹیو کانفرنس دے وائس چیئرمین گاﺅ ژن لونگ نال ہک ملاقات اچ آکھی۔ ایں موقع تے سینیٹ اچ قائد ایوان سینیٹر شبلی فراز اتے پاکستان اچ چین دے سفیر ژاﺅ جن وی موجود ہن۔صدر آکھیا جو پاکستان سی پیک دی تیکھے تکمیل کیتے پرعزم اے، آندے مرحلے اچ ساڈی توجہ سماجی و اقتصادی ترقی، زرعی تعاون، صنعتی استعداد کار، کاروبار و تجارت، سائنس و ٹیکنالوجی اتے موسمیاتی تبدیلی جھیں شعبیاں تے ہوسی، امید اے جو کجھ خصوصی اقتصادی زونزدا ایں سال ہی افتتاح تھی ویسی۔انہاں آکھیا جوڈوہاں ملکاں وچال عوامی سطح تے رابطے بئے ودھاونڑ کیتے کوشش تیز کرنڑی چاہیدی اے کیوں جو مختلف اداریاں، اکیڈیمیا اتے تھنک ٹینکس دے روابط ودھنڑ نال باہمی اعتماد اتے مفاہمت وی مضبوط تھیسی۔
