اسلام آباد ۔ 4 فروری (اے پی پی) وزیرِ اعظم عمران خان دی صدارت اچ اکنامک ایڈوائزی کونسل دا اجلاس سنوار کوں تھیا۔اجلاس اچ ملک دی معیشت دی اجوکی صورتحال،معیشت دے استحکام تے بحالی سانگے حکومت ولوں ہنڑ تئیں کیتے ونجنڑ آلے کم اتے مستقبل دے لائحہ عمل تے غور کیتا گیا ۔اجلاس اچ وزیرِ خزانہ اسد عمر، وزیرِ منصوبہ بندی خسرو بختیار، مشیر تجارت عبدالرزاق داو ¿د، صوبائی وزرا خزانہ ہاشم جوان بخت اتے تیمور سلیم خان، مشیر وزیرِ اعظم ڈاکٹر عشرت حسین، گورنر سٹیٹ بنک طارق باجوہ، ڈاکٹر اشفاق حسن، ڈاکٹر اعجاز نبی (ٹیلیفون)، ڈاکٹر عابد سلہری، ڈاکٹر نوید حامد، سید سلیم رضا تے بئے شریک تھیے۔وزیرخزانہ ولوں جنوری دے مہینے اچ معاشی اشاریاں اچ آونڑ آلی بہتری دے نال نال معیشت دی ڈیجٹلائزیشن، ڈیٹ مینیجمنٹ آفس کوں مستحکم کرنڑ دے اقدامات تے بریفنگ ڈتی گئی ۔
