اسلام آباد ۔ 3 فروری (اے پی پی) وزیرخارجہ شاہ محمود قریشی برطانیہ اچ یوم یکجہتی کشمیر دے حوالے تھیونڑ آلے اجتماعات اچ شرکت سانگے اتوار کوں لندن پجے ۔ہیتھرو ایئر پورٹ تے میڈیا نال گال مہاڑ کریندے ہوئیں وزیر خارجہ شاہ محمود قریشی آکھیا جو مقبوضہ کشمیر اچ انسانی حقوق دی پامالی اقوام متحدہ دی رپورٹ اچ موجود اے ۔انہاں آکھیا بھارتی وزیراعظم نریندر مودی کشمیر گئے اتھاں مکمل ہڑتال ہئی ۔وزیر خارجہ آکھیا جو پاکستان ہک پر امن ملک اے اساں جھیڑا تے لڑائی کائنی چاہندے ،مسئلہ کشمیر ہک متنازعہ معاملہ اے اساں ایندے تے رل بہہ تے گال کرنڑ کیتے تیار ہسیے ۔صحافیاں دے سوال دا جواب ڈیندے ہوئیں وزیر خارجہ شاہ محمود قریشی آکھیا جو لندن اچ میں کہیں ذات تے تنقید کرنڑ کائنی آیا بلکہ وڈے مقصد کیتے آیاں ۔
