اسلام آباد ۔ 27 فروری (اے پی پی) وزیر مملکت داخلہ شہریار آفریدی آکھیے جو پاکستانی قوم کوں چیلنج کیتا گیا یا دھمکی ڈتی گی تاں مزید سرپرائز مسلن حکومت، عوام اتے اساڈی بہادر مسلح فوج ہک مٹھ اے او اپنڑے ملک دے تحفظ کیتے کوئی کسر کائناں چھوڑیسی ۔اے گال انہاں بدھ کوں پاکستان پیس کولیکٹیو دے اہتمام نال بحریہ یونیورسٹی اچ ذرائع ابلاغ اتے جھیڑے متعلق بین الاقوامی کانفرنس نال خطاب کریندے ہوئیں آکھی ۔ انہاں آکھیا اساں دہشت گردی دے خلاف وڈیاں قربانیاں ڈتن تے ہر پاکستانی ملک کیتے قربانی ڈیونڑ دی خواہش رکھیندے ۔انہاں آکھیا پاکستان دی مسلح فوج دی دہشت گردی دے خلاف جنگ اچ بے مثال قربانیاں دا عالمی سطح تےے اعتراف کیتا گے ، پاکستانی فوج دیاں انہاں قربانیاں کوں سنہری حروف اچ لکھیا ویسی۔ انہاں آکھیا اساںاپنڑی اقدار تے سمجھوتہ کائناں کریسوں ،اساں اپنڑی سرزمین کوں کہیں تخریبی کاروائی کیتے استعمال کرنڑ دی اجازت کائناں ڈیسوں ۔ کانفرنس دے دوران جڈاں وزیر مملکت داخلہ شرکاءکوں ڈسیا جو پاکستان ڈو بھارتی طیارے مار ڈھائین تاں ایندے تے شرکاءجوش اچ آتے اٹھی تے تاڑیاں وجایاں۔ شہریار آفریدی آکھیا اساں جنگ نی چاہندے لیکن اساڈی امن دی خواہش کوں کمزوری نہ سمجھیا ونجے ، قومی سلامتی اساڈی ترجیح اے، ایندے تے کوئی سمجھوتہ کائناں کیتاویسی ،بھارتی طیارے مار ڈھاونڑ نال اے واضح پیغام ڈتے جو بھارت اساکوں چیلنج کرنڑ دی جرات نہ کرے ۔
