اسلام آباد ۔ 23 فروری (اے پی پی) وزیر خارجہ مخدوم شاہ محمود قریشی آکھیے جو پاکستان امن و امان دے ودھارے کیتے جنوبی ایشیا تے اپنڑے ہمسائے ملکاں کوں بہوں اہمیت ڈیندے ۔دفتر خارجہ دے ترجمان دے مطابق ہفتے کوں اپنڑے نیپالی ہم منصب پردیپ کمار گیاوالی نال ٹیلی فون تے گال مہاڑ کریندے ہوئیں وزیر خارجہ شاہ محمود قریشی آکھیے جو سارک فورم دا مقصد خطے دے ملکاں کوں نیڑے گھن آونڑ اے سارک جنوبی ایشیا اچ امن کیتے اپنڑاں تعمیری کردار ادا کرے ۔پردیپ کمار گیاوالی چیئر آف سارک وی ہن ۔گال مہاڑ دے دوران خطے اچ امن و امان دی صورت حال تے گال مہاڑ کیتی گئی ۔نیپال دے وزیر خارجہ آکھیا جو خطے اچ امن و امان دا قیام ساریں دی بنیادی ذمے واری اے ۔نیپال، سارک دا ممبر ہوونڑ دی تے پاکستان دا یار ہوون ڑے ناطے پکا یقین رکھیندے جو امن دی پاسداری ساریں دے یکساں مفاد اچ ہے ۔
