اسلام آباد ۔ 17 فروری (اے پی پی) پاکستان پلوامہ حملے دے بعد بھارت ولوں بے بنیاد الزاماں کون مسترد کریندے ہوئیںا ٓکھیے جو کہیں وی واقعے توں بعد اینجھے الزامات بھارت دی عادت بنڑ گین جو بغیر کہیں تحقیقات اتے ثبوت دے صرف جذبات دی بنیاد تے پاکستان کوں ڈوہ ڈتا ویندے۔دفتر خارجہ دے ترجمان ڈاکٹر محمد فیصل ولوں جاری کیتے گئے اعلامیہ اچ آکھیا گئے جو حملے بارے پاکستان تے الزامات صرف جذباتی اتے آپ گھڑیے ہوئے ہین اتے اینجھے الزام اگین وی لائے گین جیہڑے ویلھے دے نال ”چِٹا کوڑ“ثابت تھین۔ انہاںا ٓکھیا جا پاکستان اچ 2002 توں کالعدم تنظیم جیش محمدتے پابندی اے جیں ایں حملے دی ذمہ واری وی منی اے۔انہاں بھارت دے ایں دوغلے معیار تے سوال چاتے جو ہک پاسو نئی دہلی غیر تصدیق شدہ سوشل میڈیا اکاو ¿نٹ دی ویڈیو کوں اہم ثبوت قراردیندے بھل ڈوجھے پاسو (زیرحراست) بھارتی جاسوس کلبھوشن دے رضاکارانہ بیان کون نئیں منیندا جیندے اچ اوں دہشتگردی دا اعتراف کیتے۔ترجمان دفتر خارجہ آکھیا جوبھارتی سیکیورٹی اتے خفیہ اداریاں دی ناکامی حملے دی وجہ بنڑی اے تہوں نئی دہلی کوں ساڈے تے الزام دھرن دی بجائے اپنڑیا کمزوریاں تے دیدی بھواونڑی چاہیدی اے جڈاں جو بھارت عدیل احمد ڈار دی گرفتاری بارے رپورٹ دی وضاحت ڈیونڑ دا پابند اے۔ڈاکٹر محمد فیصل فیصل واضح کیتا جو پاکستان بھارت نال امن چاہندے، ایں بارے وزیر اعظم عمران خان اپنڑے مراسلے اچ وی بھارتی وزیراعظم نریندر مودی کون آخھیے جو ” نئی دہلی ہک قدم اگو تے ودھے اساں ڈو قدم اگو تے ودھسوں۔ انہاںا ٓکھیے جو’بھارت کشمیری نوجواناں دے خلاف ریاستی جبربند کرے اتے انہاں دے مسلے حل کرنڑ کیتے ڈو طرفہ مذاکرات دا سوچے۔
