اسلام آباد ۔ 8 فروری (اے پی پی) قومی احتساب بیورو دے چیئرمین جسٹس ریٹائرڈجاوید اقبال دے زیر صدارت نیب ہیڈ کوارٹرز اچ اجلاس تھئے جیندے اچ نیب دے آپریشنز اتے پراسیکیوشن ڈویژن دی کارکردگی دا جائزہ گھدا گئے۔اجلاس اچ اے عزم دوہرایا گئے جو بغیر کہیں وانجھ دے احتساب دا عمل جاری راہسی اتے کرپٹ عناصر توں ملک دی لٹی گئی دولت ولا گھنڑ کیتے ہر ممکن اقدامات کیتے ویسن کیوں جو بدعنوانی دی پاڑ پٹنڑ نیب دا مقصد اے تاں جو ہک کرپشن فری پاکستان دس خواب پورا کیتا ونج سگے۔چیئرمین نیب آکھیا جو نیب دی کارکردگی تے عوام اعتماد کریندن جیندا ثبوت وڈی تعداد اچ کرپشن شکایات دا آونڑ اے۔ انہاںا ٓکھیے جو نیب دی 2018اچ سزا ڈیواونڑ دی شرح 70.8 فی صدرہی جیہڑی پاکستان اچ انسدادبد عنوانی دے ادارے توں چنگی اتے مثالی اے، ایں ویلھے احتسا ب عدالتاں اچ1219بدعنوانی دے ریفرنس زیر سماعت ہین جیندی تقریباًََ مالیت 900 ارب روپے اے، انہاں مقدمیاں کوں توڑ پچاونڑ کیتے نیب پرعزم اے۔
