اسلام آباد ۔ 27 فروری (اے پی پی)چین سہہ ملکی وزرائے خارجہ اجلاس اچ پاکستان دی حمایت کریندے ہوئیں نہ صرف بھارتی ہتھکنڈیاں کوں ناکام بنڑاڈتے بھل اپنڑے سنگتی ملک پاکستان کوں امن پسند ملک قرارڈتے۔چینی وزیر خارجہ وانگ ای روس، چین اتے بھارت دے وزرائے خارجہ اجلاس دی میزبانی کریندے آکھیا جو پاکستان ہمیشہ دہشت گردی دی مخالفت کیتی اے اتے آپ دہشت گردی دا شکار ملک رہے۔انہاں پاکستان اتے بھارت ولوں صبر دا مظاہرہ کرنڑ اتے صورت حال بئی خراب نہ کرنڑ دی یقین دہانیاں دا وی خیر مقدم کیتے۔ڈوجھے پاسو چینی دفتر خارجہ دے ترجمان لو کنگ پریس بریفنگ اچ پاک بھارت کشیدگی دے سوال داجواب ڈیندے پاک بھارت کشیدگی تے تشویش کیتی اتے آکھیا جو ڈوہیں ملک صبر دا مظاہرہ کریسن اتے کوشش کریسن جو آپس اچ چنگے تعلقات بنڑاون ۔
