اسلام آباد۔13 مارچ (اے پی پی)اسپین دا لیجنڈری فٹ بالر کارلوس پیول 16 مارچ کوں کراچی پجسی،ورلڈ سوکر اسٹارز دیاں ٹکٹاں دا افتتاح کریسی۔کارلوس پیول اسپین دی قومی ٹیم اتے مشہور کلب ایف سی بارسلونادے لیجنڈری کھیڈاڑی ہین جیہڑے پاکستان اچ فٹ بال دے ودھارے کیتے 16 مارچ کوں کراچی پجسن جتھاں اچ ورلڈ سوکر اسٹارز 2019دیاں ٹکٹاں ویچنڑ دا افتتاح کریسن۔کارلوس پیول اپنڑے سنیہے اچ آکھیے جو”میں کراچی اچ لوکاں کوں ڈیکھنڑ اتے ملنڑ کیتے تانگھی ہاں اتے میں پاکستان اچ اپنڑے چاہنڑ آلیاں نال ملنڑ کیتے پرجوش ہاں،میں آندا پیاں“۔انہاں آکھیے جو ‘ورلڈ سوکر اسٹارز، فٹ بال دی آمد دا جش مناونڑ دا بہوں چنگاں موقع ڈیندے پین،فٹ بال پاکستان اچ ابھردا ہویا کھیڈ اے۔ ٹچ اسکائی گروپ دے ہک منصوبے دے تحت پاکستان اچ ورلڈ سوکر اسٹارز 2019 دے دو میچ تھیسن جیہڑے 27 اپریل کوں کراچی اتے 28 اپریل کوں لاہوراچ کھیڈیے ویسن۔ انہاں میچاں اچ جگ دے مہاندرے کھیڈاڑی اتے لوک شریک تھیسن۔پاکستان اچ انہاں میچاں اچ امریکا دے مشہور سینیگالی گلوکار ایکوں دا کنسرٹ وی تھیسی۔
