اسلام آباد ۔ 13 مارچ (اے پی پی) دفتر خارجہ بھارت ولوں پاکستانی صحافیاں کوں ویزہ جاری نہ کرنڑ تے افسوس کیتا جیڑھے جو اج 14مارچ کوں اٹاری ،بھارت اچ کرتارپور راہداری تے تھیونڑ آلے اجلاس دی کوریج کرنڑ چاہندے ہن ۔ ترجمان دفتر خارجہ ڈاکٹر محمد فیصل بدھ کوں اپنڑے ٹویٹ اچ آکھیا جو بھارت ولوں کرتار پور اجلاس سانگے پاکستانی صحافیاں کوں ویزہ نہ ڈیونڑ افسوسناک اے۔ترجمان یاد ڈوایا جو پاکستان گزریل سال کرتارپور راہداری دے سنگ بنیاد دی تقریب دی کوریج سانگے 30بھارتی صحافیاں کوں ویزے جاری کیتے ہن ۔
