جمہوریت اچ تریمتیں دا کردار بہوں اہم اے، اسلام وی تریمتیں اتے بالاں دے حقوق تے خاص توجہ دا سبق ڈتے،صدر مملکت ڈاکٹر عارف علوی دا تریمتیں دے عالمی ڈینہہ تے خطاب

اسلام آباد ۔ 07 مارچ (اے پی پی) صدر مملکت ڈاکٹر عارف علوی آکھیے جو جمہوریت اچ تریمتیں دا کردار بہوں اہم اے، اسلام وی تریمتیں اتے بالاں دے حقوق تے خاص توجہ دا سبق ڈتے۔ اے گالھ انہاں ایوان صدراچ تریمتیں دے عالمی ڈینہہ دے حوالے نال ہک تقریب نال خطاب اچ آکھی۔صدر مملکت آکھیا جو حکومت ملک اچ جمہوریت دے ودھارے اتے استحکام کیتے کوشش کریندی پئی اے۔انہاں تریمتیں دے حقوق تے زور ڈیندے ہوئے آکھیا جو اسلام اچ تریمتیں دے حقوق دا خاص خیال رکھنڑ دا آکھیا گئے،تریمتیں کوں وراثت اچ وی ہر قسم دے حقوق ڈتے گین،اسلام بہترین معاشرہ دے قیام تے زور ڈیندے جڈاں جو دین دا بنیادی جزو انسانی حقوق ہین، اج سکول کالجاں اتے بئے تعلیمی اداریاں اچ اسی فیصد بالڑیاں علم حاصل کریندیاں پین جڈاں تریمتیں وی مختلف شعبیاں اچ اپنڑی کارکردگی نال ترقی اچ حصہ پیندیاں پین۔