بیت اللحم ۔ 29 مارچ (اے پی پی) فلسطین دے مقبوضہ مغربی کنارے اچ اسرائیلی فوج دی فائرنگ نال 19 سالہ فلسطینی امدادی کارکن شہید اتے ترائے زخمی تھی گین۔مرکزاطلاعات فلسطین دے مطابق قابض فوج بیت اللحم اچ الدھیشہ کیمپ دے فلسطینی مظاہرین تے فائرنگ کیتی جیندی وٹھ اچ آ تے ہک فلسطینی امدادی کارکن ساجد مظہر شہید اتے ترائے زخمی تھی گین۔اسرائیلی فوج فلسطینی مظاہرین تے گولیاں چلائین اتے انہاں تے ربڑ دے خول اچ پٹی دھاتی گولیاں وسائن۔ترایے زخمیاں دی حالت تشویشناک ڈسائی ویندی اے۔ڈوجھے پاسو فلسطینی میڈیکل ریلیف آرگنائزیشن دے چیئرمین مصطفیٰ البرغوثی ڈسائے جو اسرائیلی فوج امدادی کارکن ساجد مظہر کوں گولیاں مارتے زخمی کیتے جیندے بعد او ہسپتال اچ دم تروڑ گئے۔
