استنبول۔ 22 مارچ (اے پی پی) وزیر خارجہ شاہ محمود قریشی جمعے کوں استنبول اچ او آئی سی دے وزراءخارجہ دے ہنگامی اجلاس توں خطاب کریندے ہوئیں آکھیے جو مغربی معاشریں اچ مقبول سیاست اچ مسلمان مخالف جذبات دا ابھرنڑ خطرناک رحجان اے ،مسلمان اقلیتاں دے حقوق دے تحفظ کیتے او آئی سی دی سطح تے ادارہ جاتی طریقہ کار وضع کیتا ونجے تے اسلامو فوبیا دے خلاف متحدہ محاذ تشکیل ڈتا ونجے ، اظہار رائے دی آزادی دے ناں تے نفرت کھنڈائی ویندی پئی اے ، مسلماناں کوں سفید فام تے بوجھ قرار ڈتے تے نسلی تعصب کوں ابھاریا ویندا پئے ،اے رجحان مغرب تئیں محدود کائنی رہیا ، جمہوریت اتے سیکولرازم دے دعویدار بھارت اچ مسلماناں دے خلاف تعصب، سماجی، سیاسی اتے معاشی امتیاز کیتا ویندا پئے ۔ مقبوضہ جموں وکشمیر اچ ماورائے عدالت ہلاکتاں تھیندیاں پن ۔ سیاسی طاقتاں ولوں مسلماناںدے خلاف نفرت کھنڈاونڑ دی مقبول لہر کوں روکنڑاں ہوسی ، مسلمان ملکاں اچ اتحاد دے بغیر ایں لہر دے سامنڑے بند بدھنڑ ممکن کائناں تھیسی ، نہ تاںسارے مسلمان دہشت گرد ہن تے نہ ہی سارے دہشت گرد مسلمان ہن ، القاعدہ دے علاوہ بئے رنگ ونسل اتے مذہب نال تعلق رکھنڑ آلے دہشت گرداں کوں وی ایں فہرست اچ شامل کیتا ونجے ۔ وزیر خارجہ اوآئی سی ایگزیکٹو کمیٹی دا ہنگامی اجلاس سڈنڑ تے ترکی دا شکریہ ادا کریندے ہوئیں آکھیے جو 15 مارچ کوں نیوزی لینڈ دے شہر کرائسٹ چرچ اچ مسلماناں دے خلاف نفرت دی بنیاد تے رونما تھیونڑ آلے دہشت گردی دے المناک واقعے دے بعد غم دی کیفیت اچ اتھاں کٹھے تھن ۔انہاں آکھیے جو سانحے اچ 50نشوم انسان شہید تھن ، 9 شہیداں دا تعلق میڈے ملک پاکستان توں اے ۔ پاکستان دے بہادر سپوت ندیم رشید اپنڑی جان دا نذرانہ ڈتے تے کئی انساناں دی جان بچائی ، نعیم رشید شہید دی بہادری بے مثال جرات تے حکومت پاکستان انکوں اعلی سول اعزاز عطاڈتے ۔بئیں اچ پاکستانی ہارون محمود، سہیل شاہد، سید اریب احمد اتے جہانداد علی وی ایں سانحے اچ شہید تھی گن ، دلخراش سانحہ پوری دنیا اچ کروڑاں انساناں کیتے ڈکھ دا باعث بنڑیے ۔انہاں آکھیے جو وزیراعظم نیوزی لینڈ اتے انہاں دی حکومت کوں خراج تحسین پیش کریندوں ۔انہاں آکھیے جو پاکستان ایں ڈکھ تے کرب توں واقف اے کیوں جو اساں ایں دہشت گردی دا سامنڑاں کیتے۔
