اسلام آباد ۔ 08 مارچ (اے پی پی) وزیر خارجہ شاہ محمود قریشی آکھیا جو ملک اچ غریبی اتے جہالت مکاونڑ اساڈی پہلی ترجیح اے،انشاءاللہ نواں پاکستان بنڑیسوں،اساڈی سوچ وفاق اتے عمران خان وفاقی دی علامت ہن ،تھرپارکر کوں اللہ تعالیٰ بہوں خزانے ڈتن جڈانجو اتھاں لوکاں کوں پیونڑ دا پانڑی وی نی ملدا،سندھ دی عوام کوں مستقبل اپنڑے ہتھ اچ گھنڑ دا فیصلہ کرنڑاں پمسی،بھارتی جارحیت دے باوجود امن چاہندوں،اساڈے ولوں جنگ دی صدا اے اتے نریندر مودی جنگ دا طبل وجیندے پن،کشمیر دے لوک حق خودارادیت سانگے جدوجہد کریندے پن اتے دہشت گرد ہرکز نی ،پاکستان دی عوام مظلوم کشمیریاں دا ساتھ ڈیسوں۔وزیرخارجہ بھارت کوں مخاطب کریندیں ہوئیں آکھیا جو اے 71دا نی،نواں پاکستان اے،اکہتر اچ یحی خان ہئی اتے اج عمران خان ہن ،بھارتی رویاں اچ اج وی تبدیلی کائنی آئی ،اساں بھارتی جارحیت دے باوجود امن چاہندوں۔اساں بھارتی قیدی پائلٹ کوں وڈی عزت نال واہگہ دے رستے واپس بھیجے جڈانجو انہاں اساڈے شاکر اللہ دی لاش بھجوا ڈتی۔انہاں آکھیا جو ولا مودی سرکارگندی اکھ نال ڈٹھا تاں مسلح فوج اتے پاکستان دی عوام ملک دے چپے چپے دا دفاع کرنڑ جانڑدن۔
