اسلام آباد۔21مارچ(اے پی پی)نیوزی لینڈ دی وزیرا عظم جیسنڈا آرڈرن ملک اچ ہر قسم دے خودکار ہتھیاراں تے پابندی دا اعلان کریندے ہوئے آکھیے جو ہنڑنیم خودکار(سیمی آٹومیٹک) بندوقاں ، رائفلاں تے اسلحے دے نویں اتے سخت قانون سانگے پابندی لگ ویسی، 15 مارچ کوں ساڈی تاریخ ہمیشہ کیتے وٹیج گئی اے، ہنڑ ساڈے قوانین وی بدل ویسن،نیوزی لینڈ دے شہری دے تحفط کیتے اسلحے دے قوانین بئے سخت کریندے پئے ہیں۔اپنڑی پریس کانفرنس اچ نیوزی لینڈ دی وزیراعظم جیسنڈرا آرڈن اعلان کیتے جو فوجی طرزدے نیم خودکار(سیمی آٹومیٹک) بندوقاں اتے رائفلز تے اسلحے دے نویں اتے سخت قانون دے تحت پابندی لگ ویسی ،اساں نیوزی لینڈ اتے ایندے ہر شہری دا تحفظ چاہندے ہیں تاں جو اتھاں ہر کوئی امن نال رہ سگے، 15 مارچ کوں ساڈی تاریخ ہمیشہ کیتے بدل گئی اے، ہنڑ ساکوں اپنڑے قوانین وی بدلنڑے پوسن کیوں جو اساں نیوزی لینڈ دے سارے باشندیاں دی نمائندگی کریندے ہیں۔انہاںا ٓکھیے جوکابینہ اجلاس نویں قانون تے نظرِ ثانی کرنڑتے اتفاق کر گھدے،ایں سانگے بندوقاں کوں نیم خودکار اسلحے اچ تبدیل کرنڑ دے سارے آلات تے وی پابندی ہودی جیندے اچ جدید میگزینز وی شامل ہین۔
