نیویارک ۔ 22 مارچ (اے پی پی) اقوام متحدہ اچ پاکستان دی مستقل مندوب ڈاکٹر ملیحہ لودھی آکھیے جووزیر اعظم عمران خان دی قیادت اچ پاکستان خوشحالی دے رستے تے ٹر پئے ۔او اقوام متحدہ اچ پاکستانی مشن دے زیر اہتمام یوم پاکستان دے حوالے نال رنگا رنگ استقبالیہ تقریب توں خطاب کریندی پئی ہئی۔ تقریب اچ اقوام متحدہ دے ترائے انڈرسیکرٹریز جنرل، جنرل اسمبلی دے متوقع صدر اقوام متحدہ اچ نائیجیریا دے سفیر پروفیسر تجانی محمد بندے، مختلف ملکاں دے سفارتکاراں، صحافیاں اتے امریکا اچ رہنڑ آلے پاکستانیاں دی وڈی تعداد شرکت کیتی ۔ ڈاکٹر ملیحہ لودھی آکھیے جو اج پاکستان پر امید تے پر اعتماد اے ۔ہنڑ ہی جاری تھیونڑ آلے بین الاقوامی سروے دے مطابق پاکستان دا شمار پوری دنیا اچ ساریں توں ودھ خوش رہنڑ آلی قوم اچ تھیندے جیرھا جو اساڈی قوم دی طاقت تے برداشت دا اعتراف اے ۔ پاکستان دی موجودہ حکومت عوام اچ مستقبل دی ترقی اتے خوشحالی دیاں بہوں سارےاں غیر معمولی امیداں پیدا کر ڈتن ۔
