اسلام آباد ۔ 28 مارچ (اے پی پی) وزیر اعظم عمران خان خمیس کوں کیپٹل گروپ امریکی فنانشل سروسز کمپنی دے وفد نال ملاقات کیتی ۔کیپٹل گروپ دے وفد اچ پولیٹکل اکانومسٹ کیپٹل گروپ مائیکل تھالے، آرتھر کائے، لوئیس فریٹاس، رک ٹورس، سٹیفن گرین، طلحہ خان اتے وحید بٹ شامل ہن ۔وزیر خزانہ اسد عمر، وزیر اعظم دے مشیر تجارت تے صنعت عبدالرزاق داﺅد، گورنر سندھ عمران اسماعیل، چیئرمین سرمایہ کاری بورڈ ہارون شریف اتے بئے سینئر حکام وی ایںموقع تے موجود ہن ۔ کیپٹل گروپ دا شمار دنیا دے سبھ توں پرانڑے اتے وڈے انوسٹمنٹ منیجمنٹ آرگنائزیشنز اچ تھیندے،جیندے اثاثے 1.89 ٹریلین ڈالر توں ودھ ہن۔ یں دوران وزیراعظم گالھ مہاڑ کریندے ہوئیں آکھیا جوپاکستان دا وکھرا جغرافیائی محل وقوع سرمایہ کاراں کوں ساز گار ماحول ڈیندے، پاکستان اچ سرمایہ کاراں کوں آسان اتے پر کشش مواقع میسر ہن ۔وزیر اعظم پاکستان اچ کیپٹل گروپ دی دلچسپی دا خیر مقدم کریندے ہوئیں آکھیا جوموجودہ حکومت سرمایہ کاراں کوں ساز گار ماحول ڈیونڑ سانگے مختلف اقدامات کیتے ہن۔ انہاں آکھیا جو پاکستان دی 20 کروڑ آبادی اچ زیادہ تعداد نینگراں دی ہے۔انہاں آکھیا جو معیشت چنگی تھیونڑ نال نینگراں سانگے روز گار دے مواقع وی ودھسن۔ وزیر اعظم نال گالھ مہاڑ کریندے ہوئیں مائیکل تھالے آکھیا جو چنگی سیکورٹی صورتحال، پالیسیاں اتے اقتصادی پالیساں اچ موجودہ حکومت دی کوششاں نال کمپنیاں دی حوصلہ افزائی تھئی اتے سرمایہ کاراں کوں پاکستان آونڑ تے مجبور کیتے۔
