لاہور۔29مارچ(اے پی پی ) وفاقی وزیر خزانہ اسد عمر جمعہ کوں سول سیکرٹریٹ لہور اچ نویں این ایف سی ایوارڈ دے سلسلہ اچ تھیونڑ آلے اجلاس دے بعد میڈیا نال گالھ مہاڑ کریندے ہوئیں آکھیا جو کوشش ہے جو 9ویں این ایف سی ایوارڈ دا عمل جاری سال 31 دسمبر تئیں مکمل کرگھدا ویسی۔ انہاں آکھیا جوآندے وفاقی اتے صوبائی بجٹ اچ وفاق تے صوبیں وچال ٹیکس دے حوالے نال رابطے بہتر کیتے ویسن،وفاق اتے ساریاں اکائےوں وچال اتفاق ہے، جو این ایف سی ایوارڈکوں مجموعی طور تے بہترکرنڑ اتے ہک بئے توں کجھ کھسنڑاں نئیں ۔ اسد عمر آکھیا جو ایں اجلاس اچ گزریل میٹنگ اچ بنرڑائے گئے 6 ورکنگ گروپس ولوں کیتے گئے کم دی پیش رفت دا جائزہ گھدا گیا کیونجو گزریل این ایف سی اجلاس اچ صوبیں اتے وفاق کوں ایں سلسلہ اچ کوآرڈینیشن دی ذمہ داری ڈتی ہائی۔ اسد عمر آکھیا جو گزریل کجھ سالاں اچ ستویں این ایف سی ایوارڈدے بعد وفاق اتے صوبیں وچال ٹیکس دے حوالے نال رابطے کمزور تھئے لیکن ہنڑ اساں چاہندوں جو آئندہ وفاقی اتے صوبائی بجٹ اچ ایں سلسلہ اچ پیش رفت اتے چنگائی لاتی ونجے۔
