اقوام متحدہ ۔ 25 مارچ (اے پی پی) پاکستان، ترکی، افغانستان اتے ایران سمیت ہک درجن توں ودھ ملکاں دے اہتمام نال اقوام متحدہ دے ہیڈ کوارٹر نیو یارک اچ موسم بہار دی آمد دا تہوار نوروز منایا گیا جیں اچ اقوام متحدہ دے سینکڑاں حکام اتے سفارت کاراں شرکت کیتی۔ رنگا رنگ فوڈ فیسٹول کوں تقریب اچ مرکزی حیثیت حاصل رہی۔ ایران دی قیادت اچ ایں تقریب دا اہتمام کرنڑ آلے بئے ملکاں اچ آذربائیجان، بھارت، عراق، قزاخستان، کرغزستان، تاجکستان، ترکمانستان اتے ازبکستان شامل ہن ۔ تقریب دے شرکاءکوں انہاں ملکاں دے روایتی کھانڑیں پیش کیتے گے ۔ پاکستان دا سٹال شرکاءدی ساریں توںودھ دلچسپ دا مرکز رہیا جتھاں انہاں بریانی، سیخ کباب، سموسے، گلاب جامن، گاجر دا حلوہ اتے برفی وڈے شوقع نال کھادی۔ اقوام متحدہ اچ پاکستان دی مستقل مندوب ڈاکٹر ملیحہ لودھی شرکاءدا خیر مقدم کیتا ایں موقع تے انہاں ہک انٹر ویو اچ آکھیے جو نوروز مفاہمت اتے چنگی ہمسائیگی دے ذریعے امن کوں ودھارا ڈیندے ۔
