لاہور ۔ 19 مارچ (اے پی پی) پاپاکستان اتے آسٹریلیا اچ پنج میچاں دی ون ڈے سیریز 22مارچ توں یو اے ای اچ شروع تھیسی جئیں اچ شریک تھیونڑ سانگے قومی کرکٹ ٹیم دے کھڈاری مختلف پروازاں توں منگل دی سویل یو اے ای پجیے۔سرفراز احمد دی جاہ تے شعیب ملک 16رکنی پاکستان کرکٹ ٹیم دی کپتانی کریسن۔آسٹریلیا دےخلاف پنج ون ڈے میچز22،24،27، 29 اتے 31 مارچ کو ںیو اے ای اچ کھیڈیے ویسن۔پاکستان دی ٹیم اچ شان مسعود، امام الحق، عابد علی، حارث سہیل، سعد علی، عمراکمل، شعیب ملک کپتان، محمد رضوان، عماد وسیم، یاسر شاہ، محمد عباس، محمد عامر، جنید خان، فہیم اشرف، عثمان شنواری اتے محمد حسین شامل ہن۔
