اسلام آباد ۔ 07 مارچ (اے پی پی) پاک بحریہ دے سربراہ ایڈمرل ظفر محمود عباسی موجودہ صورت حال اچ افسراں تے نینگراں کوں ہر ویلھے تکڑا رہنڑ دی ہدایت ڈیندے ہوئیں آکھیے جو اساں امن پسند ملک ہوں مگر دشمن دی کہیں وی جارحیت دا من بھن جواب ڈیونڑ دی صلاحیت رکھیندوں۔او پاک بحریہ دی آپریشنل تیاریاں دا جائزہ گھننڑ کیتے ساحلی تنصیبات تےا گلے مورچیں دے دورے دے دوران کطاب کریندے پئے ہن ۔پاک بحریہ دے سربراہ شمالی بحیرہ عرب اچ تعینات بحری جہازاں دا دورہ وی کیتے ۔جتھاں انہاں پاک بحریہ دیاں آپریشنل تیاریاں تے بریفنگ ڈتی گی ۔ امیرالبحر دی افسراں تے نینگراں نال ملاقات تھئی انہاں آپریشنل تیاریاں تے اچے حوصلے دی تعریف کیتی ۔ امیرالبحرایڈمرل ظفر محمودعباسی آکھیا جو بھارتی آبدوز دی بروقت سراغ لاونڑ تے بحریہ دیاں اپریشن تیاریاں تے پیشہ ورانہ صلاحیتاں دا منہ بولیندا ثبوت اے ۔انہاں آکھیا اساں جارحیت نی چاہندے مگر اگر دشمن پہل کیتی تاں چنگاں جواب ڈیسوں ۔ ایڈمرل ظفر محمود عباسی آکھیے جو اساڈا غیر متزلزل ایمان ، ہمت اتے وطن دی حفاظت دا جذبہ اساڈیاں صلاحیتاں کوں استحکام عطا کریندے۔
