اسلام آباد ۔ 08 مارچ (اے پی پی) وزیر مملکت برائے پارلیمانی امور علی محمد خان آکھیے جو پاکستان مسئلہ کشمیر دا مذاکرات دے ذریعے پرامن حل چاہندے۔ ہک نجی ٹی وی چینل نال گال مہاڑ کریندے ہوئیں انہاں آکھیا جو بین الاقوامی برادری ولوں وزیراعظم عمران خان دے امن دے فروغ دے پیغام دی وڈی تعریف کیتی گی ہے،جیندے تحت انہاں گرفتار بھارتی پائلٹ ابھی نندن کوں رہا وی کیتا۔ وزیر مملکت دا آکھنڑ ہا جو بھارت ریاستی دہشت گردی اچ ملوث ہے اتے معصوم تے بے گناہ کشمیریاں تے ظلم دی انتہا کر یندے، مقبوضہ وادی اچ بھارتی افواج ولوں انسانی حقوق دی کھلم کھلا خلاف ورزیاں جاری ہن جیندا عالمی برادری اتے انسانی حقوق دی بین الاقوامی تنظیماں کوں نوٹس گھنڑ چاہیدے۔ وزیر مملکت آکھیا جو کشمیری عوام اپنڑیں آزادی دی پرامن تحریک کوں جاری رکھیا ہوئے، کشمیریاں دی اپنڑیں بنیادی حق حق خود ارادیت سانگے ڈتی گئی قربانیاں ضائع کائناں ویسن جائیں گی، پاکستان اپنڑے کشمیری بھینڑ بھراواں دی حق خود ارادیت دی پرامن تحریک آزادی دی سیاسی، اخلاقی اتے سفارتی حمایت جاری رکھیسوں۔
