لاہور۔2 مارچ(اے پی پی )پلوامہ حملے توں بعدبھارتی جیل اچ شہید کیتے ونجنڑ آلے پاکستانی قیدی شاکر اللہ دی میت پاکستان پج گئی۔بھارتی حکام واہگہ بارڈر تے میت پاکستانی حکام کوں ڈتی جتھاں شاکر اللہ دے لواحقین موجود ہن۔شاکر اللہ کوں پلوامہ حملے توں بعد بھارتی ریاست راجستھان دے جے پور سینٹرل جیل اچ قیدیاں قتل کر ڈتا ہا۔ شاکر اللہ دے بھرا شہزاد گلفام ڈسایا جو شاکر اللہ 2003اچ گم تھی گیا ہا بھل بعد اچ اوندے بھارت اچ ہوونڑ دا پتا انہاں کوں ٹی وی تے خبر چلنڑ نال ملیا جو غلطی نال سرحد پار کرنڑ پاروں اوکوں بھارت اچ قید کر گھدا گئے۔ انہان ڈسائے جو شاکر اللہ دا ذہنی توزن ٹھیک نا ہا اتے او سرحددے نیرے میلہ ڈیکھنڑ گئے بھل نئیں ولیا۔شاکر اللہ دی تدفین انہاں دے آبائی علاقے وستی جیسر والا اچ کیتی ویسی۔جے پور دی ذیلی عدالت شاکر اللہ کوں دہشت گردی پھیلاونڑ دے جرم اچ سزا سنڑائی ہئی۔
