اسلام آباد ۔ 20 اپریل (اے پی پی) وزیر خارجہ شاہ محمود قریشی آکھیے جو ساڈے کولو ایندے واضح ثبوت ہین جو اورماڑہ واقعے اچ ملوث دہشت گرد تنظیماں دے ٹھکانے ایران اچ ہین،مصدقہ اطلاعات دے بعد ایران نال معلومات دا تبادلہ کیتے،بارڈر سیکورٹی اتے تحفظ کیتے پاک ایران سرحد تے باڑ لاونڑ،نویں جنوبی کمانڈبنڑاونڑ، بارڈر سنٹرزبنڑاونڑ اتے سرحدی نگرانی کیتے ہیلی کاپٹر سروس شروع کرنڑ جھین بئے اقدامات کیتے ویسن،ایران دہشتگرداں دے خلاف کارروائی دی یقین دہانی کرائی اے۔اسلام آباد اچ پریس کانفرنس کریندے ہوئے ارماڑہ حملے اچ 10 پاکستان نیوی، 3 پاک فضائیہ اتے ہک پاکستان کوسٹ گارڈ دا جوان شہید تھئے،اساں بھارت تے بغیر ثبوت دے الزام ناسے لاونڑ چاہندے ،ہنڑ شواہد مل گین جو اے حملہ بلوچ دہشت گرد الائنس بی آر اے کرائے جیندے تربیتی اتے لاجسٹک کیمپس ایران اچ ہین،ایران دے وزیر خارجہ جاوید ظریف نال الوائے اتے انہاں ایں سانگے پوری یقین دہانی کرائی اے ۔انہاں آکھیا جو بی آر اے دے ٹانڈے افغانستان اچ ملدن،امید اے جو افغانستان وی ساڈےا ٓلی کار امن کوششان اچ ہتھ ونڈیسی۔وزیر خارجہ آکھیے جو اساں 950کلو میٹرپاک ایران سرحد تے باڑ لاونڑ اتے سرحدی نگرانی کیتے ہیلی کاپٹرسروس شروع کرنڑ دا وی فیصلہ کیتے۔انہاںا ٓکھیے جو ایران اتے افغانستان نال سنگت خراب کرنڑ دیاں کوششاں ناکام تھیسن،امید اے جو بھارت نال وی تعلقات تیکھے معمول تے آویسن۔
